डोंगर देवाचं उघडं धन;
नदीच्या काठानं मोहाचं बन.
मोहाच्या फुलांचा पडला सडा;
फुलांच्या मिसानं अस्वल खडा.
मोहाच्या फुलांची पडली रास:
मातीला लागला मोहाचा वास.
डोंगर देवाचं उघडं धन:
नाल्याच्या काठानं मोहाचं बन.
मोहाच्या फुलाची रानात दाटी;
वेचता वेचता भरली पाटी.
मोहाच्या फुलांची वेचली रास:
पाटीला लागला मोहाचा वास.
डोंगर देवाचं उघडं धन:
रस्त्याच्या काठानं मोहाचं बन.
मोहाच्या फुलाचा चाकानं चुरा;
मोटर हाणतो जांगडी बुरा.
मोहाच्या फुलांची उघडी रास:
वा-याला लागला मोहाचा वास.
No comments:
Post a Comment